ҚОНУНИ ҶУМҲУРИИ ТОҶИКИСТОН “ДАР БОРАИ БОҶИ ДАВЛАТӢ”
Моддаи 4. Андозаи боҷи давлатӣ
Банди 3. Аз аризаҳои даъвоги, ки ба судҳои иқтисодии Ҷумҳурии Тоҷикистон дода мешаванд, боҷи давлати ба андозаҳои зерин ситонида мешавад:
1) аз аризаҳои даъвогии дорои хусусияти молумулки – 2 % аз нархи даъво;
2) аз аризаҳои даъвоги оид ба баҳсҳое, ки ҳангоми бастан, тағйир додан ё бекор кардани шартномаҳо ба амал меоянд ва оид ба баҳсҳо дар бораи беэътибор донистани аҳдҳо – андозаи дукаратаи ҳадди ақали музди меҳнат;
3) аз аризаҳои даъвоги дар бораи (пурра ё қисман) беэътибор донистани санадҳои ғайримеъёрии мақомоти давлати:
барои шахсони воқеи – ба андозаи дукаратаи ҳадди ақали музди меҳнат;
барои шахсони ҳуқуқи – ба андозаи даҳкаратаи ҳадди ақали музди меҳнат;
4) аз аризаҳои даъвогии дигар, ки хусусияти молумулки надоранд, аз ҷумла аз аризаҳо дар бораи эътирофи ҳуқуқ маҷбур намудан ҷиҳати иҷрои ўҳдадориҳо дар шакли асл – ба андозаи яккаратаи ҳадди ақали музди меҳнат;
5) аз аризаҳо дар бораи муфлис эътироф гардидани шахсони ҳуқуқи ва соҳибкорони инфироди:
барои шахсони ҳуқуқи – ба андозаи даҳкаратаи ҳадди ақали музди меҳнат;
барои соҳибкорони инфироди – ба андозаи яккаратаи ҳадди ақали музди меҳнат;
6) аз аризаҳо дар бораи муқаррар намудани далелҳое, ки аҳамияти ҳуқуқи доранд – ба андозаи секаратаи ҳадди ақали музди меҳнат;
7) аз аризаҳо дар бораи ба парванда ворид гардидани шахсони сеюм, ки нисбат ба предмети баҳс талаботи мустақили худро пешниҳод менамоянд, ки мутобиқи андозаи боҷи давлати, ки барои аризаи даъвогии дорои хусусияти ғайримолумулки пешбини шудааст, нисбати баҳсҳои дорои хусусияти молумулки – тибқи тартиби муқаррарнамудаи банди якуми ҳамин қисм, ки аз андозаи маблағи баҳсшаванда барои шахсони сеюм ҳисоб карда мешавад;
8) аз шикоятҳои апеллятсиони, кассатсиони ва назорати нисбати ҳалнома ва карорҳои суди иқтисоди ва ҳамчунин нисбати таъинот дар бораи қатъ намудани истеҳсоли парванда, бе барраси мондани даъво, дар бораи таъини ҷаримаҳои суди, рад кардан ва додани варақаи иҷро – 50 % аз андозаи боҷи давлати, ки ҳангоми додани аризаи даъвоги ситонида мешавад.
ИҚТИБОС АЗ
ҚОНУНИ ҶУМҲУРИИ ТОҶИКИСТОН ДАР БОРАИ БУҶЕТИ ДАВЛАТИИ
ҶУМҲУРИИ ТОҶИКИСТОН БАРОИ СОЛИ 2024
Моддаи 23. Андозаи нишондиҳанда барои ҳисобҳо ва андозбандии иҷорапулии молу мулк, ба истиснои объектҳое, ки аз ҷониби мақомоти давлатӣ тибқи тартиби муқарраргардида ба иҷора дода мешаванд
- Аз 1 январи соли 2024 нишондиҳанда барои ҳисобҳо ҷиҳати ҳисобкунии андоз, боҷ, пардохтҳои дигари ҳатмӣ, муҷозоти ҷаримавӣ, пардохтҳои иҷтимоӣ, инчунин барои ҳисобкунии ин ё он бузургиҳои арзишии ҳадди ниҳоӣ (поёнӣ ё болоӣ), ки мутобиқи қонунгузории Ҷумҳурии Тоҷикистон татбиқ карда мешаванд, ба андозаи 72 сомонӣ муқаррар карда шавад.
- Ҳадди ақали иҷорапулии як метри мураббаи объектҳои ғайриманқул дар як моҳ бо дарсад аз нишондиҳанда барои ҳисобҳо бо дарназардошти коэффитсиенти минтақавӣ дар миқёси шаҳру ноҳияҳо, ки дар қисми 2 моддаи 348 Кодекси андози Ҷумҳурии Тоҷикистон муайян шудааст, ба андозаи зерин муқаррар карда шавад:
– барои объектҳои ғайриманқуле, ки ҳамчун иншоот (биноҳо)-и истиқоматӣ, инчунин биноҳои ёрирасони онҳо истифода мешаванд – 20;
– барои объектҳои ғайриманқуле, ки бо мақсади амалӣ намудани фаъолияти истеҳсолӣ истифода мешаванд – 30;
– барои объектҳои ғайриманқуле, ки бо мақсади амалӣ намудани фаъолияти савдо, ташкили нуқтаҳои хўроки умумӣ, дигар намудҳои хизматрасонӣ ва иҷрои корҳо истифода мешаванд – 60;
– барои объектҳои ғайриманқуле, ки бо мақсади амалӣ намудани дигар намудҳои фаъолият истифода мешаванд – 45.
- Вобаста ба маҳалли ҷойгиршавии объектҳои ғайриманқули дар қисми 2 моддаи мазкур пешбинишуда коэффитсиентҳои зерини танзимкунанда пешбинӣ карда шаванд:
– ҳудуди кўчаҳои марказӣ ва марказҳои маъмурии шаҳру ноҳияҳо – 1,0;
– ҳудуди шаҳраку деҳот – 0,8;
– мавзеъҳои дигари берун аз ҳудуди кўчаҳои марказӣ, марказҳои маъмурии шаҳру ноҳияҳо, шаҳраку деҳот – 0,6.
