Ҷиҳати иҷрои “Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2009-2019”, ки 29 апрели соли 2009 бо Қарори Ҳукумати Ҷумҳурии Тоҷикистон таҳти №253 тасдиқ карда шудааст, санаи 17 августи соли 2017 Муовини якуми Раиси Суди Олии иқтисодии Ҷумҳурии Тоҷикистон Қодирзода А., судяҳои ҳамин суд Мирзозода П. ва Ҷалолиддин Азизӣ, сардори раёсат Асрорзода З. дар ҷамоати Н. Розиқи шаҳри Ваҳдат бо аъзоёни фаъоли ин ҷамоат вохӯрӣ гузаронида, ба онҳо моҳияти лоиҳаҳои тағйироту иловаҳоро ба Қонунҳои Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, Кодекси ҳуқуқвайронкунии маъмурии Ҷумҳурии Тоҷикистон, Кодекси ҷиноятии Ҷумҳурии Тоҷикистон ва дигар қонунҳоеро, ки аз ҷониби Асосгузори сулҳу ваҳдат, пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба маҷлиси намояндагони Маҷлиси Олии Ҷумҳурии Тоҷикистон пешниҳод гардидаанд, шарҳ доданд.
Ҳамчунин бо сокинони ин ҷамоат дар хусуси пешгирии гаравидани ҷавонон ба гурӯҳҳои экстремистӣ ва террористӣ, риояи фарҳанги миллии либоспӯшӣ, риояи Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва масъалаҳое, ки аз Паёми Президенти Ҷумҳурии Тоҷикисон бармеоянд, сӯҳбати озод гузаронида шуда, ба саволҳои ҳозирин ҷавобҳои мушаххас дода шуд.
Маркази матбуоти Суди Олии иқтисодии Ҷумҳурии Тоҷикистон
Напечатать страницу