Кумак ба ятимону маъюбон, оилаҳои камбизоат ва шахсони ниёзманад дар арафаи иди фитр

Ғамхорӣ дар ҳаққи  ятимону маъюбон, оилаҳои камбизоат, шахсони ниёзманад ва дастгирии онҳо дар сиёсати иҷтимоии роҳбарияти давлату Ҳукумати Ҷумҳурии Тоҷикистон  аз ҷумлаи самтҳои муҳим буда, дар тамоми қаламрави мамлакат гурӯҳои зикршудаи аҳолӣ аз ҳар як  иқдому ибтикори хайрхоҳона ва инсондӯстонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон  баҳраманд мегарданд.

Ҳамчунин дасти кумак дароз намудан ба ятимону бепарасторон ва барҷомондагону оилаҳои ниёзманд дар фарҳанги миллати мо аз хислатҳои неки инсонӣ ба ҳисоб меравад. Маҳз ҳамин аст, ки аз ҷониби Роҳбарияти Суди Олии иҷтисодии Ҷумҳурии Тоҷикистон  имрӯзҳо чун анъана дар арафаи ҳама иду ҷашнҳо ба ин қишри аҳоли ҳамчун кори хайру савоб дасти кўмак ва гамхорӣ зоҳир карда мешавад.

Дар идомаи ин иқдомҳо, имрӯз аз тарафи кормандони Суди Олии иқтисодӣ дар арафаи иди фитр ба ба Муассисаи давлатии “Маркази дастгирии оила ва кӯдаки №1”-и шаҳри Душанбе ташриф оварда ба онҳо кумакҳои модди ҳамчун туҳфаи идона тақдим намуданд.

Ҳамчунин, Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон Эмомалӣ Раҳмон дар Паёми шодбошии ба муносибати иди саиди Фитр қайд намудаанд: “Воқеан, додани фитри рӯза, дигар хайроту садақот ва анҷом додани амалҳои хайру савоб дар ҳаққи ятимону маъюбон ва оилаҳои камбизоату эҳтиёҷманд аз ҷумлаи вазифаҳои инсонӣ ва қарзи имонии ҳар як шахси муъмину савобҷӯй мебошад.” ва кормандони Суди Олии иқтисодии Ҷумҳурии Тоҷикистон тасмим гирифтанд, ки садақаи фитрро  ба ду нафар маъюбон ва оилаҳои онҳо ҳамчун кумаки пулӣ дастрас намуданд.

Маркази матбуоти СОИ ҶТ

Напечатать страницу Напечатать страницу